Movie : Maruti Mera Dosst
Actors : Chandrachur Singh and Samiksha
Music Director : Kartik Shah
Singers : K.K and Shreya Ghoshal
Lyricist : Subrat Sinha

Aayegi nindiya ankiyon ke ghar de jayegi nindiya sapno ke par
sapne tujhe le ke ud jayenge pariyon ki duniya mein le jaayenge
pariyaan jo poochengi tu kaun hai
hum se bhi pyaari tu kaun hai
kehna unse o meri gudiya
tu apni maa ki hai nanhi pari

hongi saari pariyaan teri sakhiyaan
khelegi khushi mein tu khilegi
khoye to koi cheez teri
wo tujhe wahan pe milegi
kate jo koi khilona wo jud jaayega
sab kucch hai mumkin wahan
jaadu bhara wo jahan

chanda maama chandni maami
baadal bunti boodhi naani
sitaaron ki nadiya kinaare
sunaayenge tujh ko kahani
sunti kahani yoon hi aa jaayegi lambi si
raaton ki subah nayi
aayegi nindiya ankiyon ke ghar
de jayegi nindiya sapno ke par
sapne tujhe le ke ud jayenge
pariyon ki duniya mein le jaayenge