Movie : Do Kaliyaan
Actors : Biswajeet and Mala Sinha
Music Director : Ravi
Singers : Lata Mangeshkar
Lyricist : Sahir Ludhianvi

Bachche man ke sachche
bachche man ke sachche saare jag ke aankh ke taare
ye wo nanhe phool hain jo bhagwaan ko lagte pyare
bachche man ke sachche

khud roothe khud man jaaye phir humjoli ban jaayein
jhagda jiske saath karein agle hi pal phir baat karein
jhagda jiske saath karein agle hi pal phir baat karein
inko kisi se bair nahi inke liye koi gair nahi
inka bholapan milta hai sabko baanh pasaare
bachche man ke sachche saare jag ke aankh ke taare
ye wo nanhe phool hain jo bhagwaan ko lagte pyare
bachche man ke sachche

insaan jab tak bachcha hai tab tak samajh ka kachcha hai
jyon jyon uski umar badhe man par jhooth ka mail chadhe
krodh badhe nafrat ghere laalach ki aadat ghere
bachpan in paapo se hatkar apni umar guzare
bachche man ke sachche tan komal man sundar
hain bachche badon se behtar inme chhoot aur chahat nahi
jhoothii jaat aur paat nahi bhasha ki takraar nahi
mazhab ki deewar nahi inki nazron mein ek hain
mandir masjid gurudware bachche man ke sachche