Movie : Saagar
Actors : Rishi Kapoor, Kamal Hassan and Dimple Kapadia
Music Director : R. D. Burman
Singers : Kishore Kumar
Lyricist : Javed Akhtar

Ho chehra hai ya chand khila hai
Zulf ghaneri shaam hai kya
Saagar jaisi aankhon waali
Ye to bata tera naam hai kya

Chehra hai ya chand khila hai
Zulf ghaneri shaam hai kya
Saagar jaisi aankhon waali
Ye to bata tera naam hai kya

Arre tu kya jaane teri khatir
Kitna hai betaab ye dil
Tu kya jaane dekh raha hai
Kaise kaise khwaab ye dil

Dil kehta hai tu hai yahaan to
Jaata lamha tham jaaye
Waqt ka dariya behte behte
Is manzar mein jam jaaye
Tune deewana dil ko banaaya
Is dil par ilzaam hai kya
Saagar jaisi aankhon waali
Ye to bata tera naam hai kya

Ho, aaj main tujhse door sahi
Aur tu mujhse anjaan sahi
Tera saath nahi paun to
Khair tera armaan sahi

La la la la la..la la la..
La la la la la..la la la..
Ho ye armaan hai shor nahi ho
Khamoshi ke mele ho
Is duniya mein koi nahi ho
Hum dono hi akele ho
Tere sapne dekh raha hoon
Aur mera ab kaam hai kya
Saagar jaisi aankhon waali
Ye to bata tera naam hai kya

Chehra hai ya chand khila hai
Zulf ghaneri shaam hai kya
Saagar jaisi aankhon wali
Ye to bata tera naam hai kya