Movie : Dosti
Actors : Sudhir Kumar and Sushil Kumar
Music Director : Laxmikant Pyarelal
Singers : Mohammad Rafi
Lyricist : Majrooh Sultanpuri

Jaane walon zara mud ke dekho mujhe
ek insaan hoon main tumhaari tarah
jaane walon zara mud ke dekho mujhe
ek insaan hoon main tumhaari tarah
jisne sab ko racha apne hi roop se
uski pehchaan hoon main tumhaari tarah
jaane walon zara

is anokhe jagat ki main taqdeer hoon
is anokhe jagat ki main taqdeer hoon
main vidhaata ke haathon ki tasveer hoon
ek tasveer hoon
is jahaan ke liye dharti maa ke liye
shiv ka vardaan hoon main tumhaari tarah
jaane walon zara

man ke andar chhipaaye milan ki lagan
man ke andar chhipaaye milan ki lagan
apne sooraj se hoon ek bichhadi kiran
ek bichhadi kiran
phir raha hoon bhatakta main yahan se wahan
aur pareshaan hoon main tumhaari tarah
jaane walon zara

mere paas aao chhodo ye saara bharam
mere paas aao chhodo ye saara bharam
jo hai mera dukh wohi hai tumhaara bhi ghum
hai tumhaara bhi ghum
dekhta hoon tumhe jaanta hoon tumhe
laakh anjaan hoon main tumhaari tarah
jaane walon zara mud ke dekho mujhe
ek insaan hoon main tumhaari tarah
jisne sab ko racha apne hi roop se
uski pehchaan hoon main tumhaari tarah
jaane walon zara