Movie : Aadmi
Actors : Dilip Kumar, Manoj Kumar and Waheeda Rehman
Music Director : Naushad
Singers : Mohammad Rafi and Mahendra Kapoor
Lyricist : Shakeel Badayuni

Kaisi haseen aaj bahaaron ki raat hai
ek chaand aasmaan pe hai ek mere saath hai
ho dene waale tune to koi kami na ki
ab kis ko kya mila ye muqaddar ki baat hai

chhaaya hai husn o ishq pe ek rang e bekhudi
chhaaya hai husn o ishq pe ek rang e bekhudi
aate hain zindagi mein ye aalam kabhi kabhi
har ghum ko bhool jaao khushi ki baraat hai
ek chaand aasmaan pe hai ek mere saath hai

aayi hai wo bahaar ki naghme ubal pade
aisi khushi mili hai ki aansoo nikal pade
honthon pe hain duaaen magar dil pe haath hai
ab kis ko kya mila ye muqaddar ki baat hai
masti simat ke pyaar ke gulshan mein aa gayi
masti simat ke pyaar ke gulshan mein aa gayi
meri khushi bhi aap ke daaman men aa gayi
bhanwra kali se door nahi saath saath hai
ab kis ko kya mila ye muqaddar ki baat hai
kaisi haseen aaj bahaaron ki raat hai
ek chaand aasmaan pe hai ek mere saath hai