Movie : Nastik
Actors : Ajit and Leela Mishra
Music Director : C Ramchandra
Singers : Pradeep
Lyricist : Pradeep

Dekh tere sansaar ki haalat kya ho gayi bhagwaan
dekh tere sansaar ki haalat kya ho gayi bhagwaan
kitna badal gaya insaan kitna badal gaya insaan
sooraj na badla chaand na badla na badla re aasmaan
kitna badal gaya insaan kitna badal gaya insaan

aaya samay bada bedhanga aaj aadmi bana lafanga
kahin pe jhagda kahin pe danga
naach raha nar ho kar nanga
chhal aur kapat ke haathon apna bech raha imaan
kitna badal gaya insaan kitna badal gaya insaan
dekh tere sansaar ki haalat kya ho gayi bhagwaan
kitna badal gaya insaan kitna badal gaya insaan

ram ke bhakt rahim ke bande rachte aaj fareb ke fande
ram ke bhakt rahim ke bande rachte aaj fareb ke fande
kitne ye makkaar ye andhe dekh liye inke bhi dhandhe
inhi ki kaali kartooto se hua ye mulk mashaan
kitna badal gaya insaan kitna badal gaya insaan
dekh tere sansaar ki haalat kya ho gayi bhagwaan
kitna badal gaya insaan kitna badal gaya insaan

jo hum aapas mein na jhagadte bane hue kyun khel bigadte
kaahe laakhon ghar ye ujadte kyun ye bachche maa se bichhadte
phoot phoot kar kyun rote pyaare baapu ke pran
kitna badal gaya insaan kitna badal gaya insaan
dekh tere sansaar ki haalat kya ho gayi bhagwaan
kitna badal gaya insaan kitna badal gaya insaan