Movie : Blackmail
Actors : Dharmendra, Shatrughan Sinha and Rakhee Gulzar
Music Director : Kalyanji Anandji
Singers : Kishore Kumar
Lyricist : Rajinder Krishan

pal pal dil ke paas tum rehti ho
pal pal dil ke paas tum rehti ho
jeewan meethi pyaas ye kehti ho
pal pal dil ke paas tum rehti ho

har shaam aankhon par tera aanchal lehraaye
har raat yaadon ki baaraat le aaye
main saans leta hoon teri khushboo aati hai
ik mehka mehka sa paighaam laati hai
mere dil ki dhadkan bhi tere geet gaati hai
pal pal dil ke paas tum rehti ho

kal tujhko dekha tha maine apne aangan mein
jaise keh rahi thi tum mujhe baandh lo bandhan mein
ye kaisa rishta hai ye kaise sapne hain
begaane ho kar bhi kyun lagte apne hain
main soch mein rehta hoon dar dar ke kehta hoon
pal pal dil ke paas tum rehti ho

tum sochogi kyun itna main tumse pyaar karoon
tum samjhogi deewaana main bhi iqraar karoon
deewaano ki ye baatein deewaane jaante hain
jalne mein kya maza hai parwaane jaante hain
tum yoon hi jalaate rehna aa aa kar khwaabon mein
pal pal dil ke paas tum rehti ho
jeewan meethi pyaas ye kehti ho
pal pal dil ke paas tum rehti ho