Movie : Aap Ki Parchaaiyaan
Actors : Dharmendra and Shashikala
Music Director : Madan Mohan
Singers : Mohammad Rafi
Lyricist : Raja Mehdi Ali Khan

Yahi hai tamanna tere dar ke saamne
meri jaan jaaye meri jaan jaaye
haaye yahi hai tamanna tere dar ke saamne
meri jaan jaaye meri jaan jaaye haaye

tere dar pe aaya to bas aa gaya main
na peechhe hatunga zamaane ke dar se
abhi aa raha hoon abhi kaise jaaun
mila kya hai mujhko abhi tere dar se
zara dekh loon main ye rukh ki bahaarein
ye kad pyaara pyaara ye zulfon ke saaye
haaye yahi hai tamanna tere dar ke saamne
meri jaan jaaye meri jaan jaaye haaye

gila hai yahi mujhko tere khuda se
haseen jisne itna banaaya hai tujhko
na aata kabhi teri galiyon mein zaalim
tere husn ne khud bulaaya hai mujhko
jala kar koi shamma kaise kahega
ke dekho yahaan par na parwaana aaye
haaye yahi hai tamanna tere dar ke saamne
meri jaan jaaye meri jaan jaaye haaye

mohabbat mein teri agar maut aaye
to wo maut kitni haseen maut hogi
kisi roz main tera daaman pakad kar
jo mar jaaun kya dil nasheen maut hogi
agar koi aisi ghadi aa rahi hai
to meri dua hai wo jaldi se aaye
haaye yahi hai tamanna tere dar ke saamne
meri jaan jaaye meri jaan jaaye haaye