Movie : Barsaat Ki Raat
Actors : Bharat Bhushan and Madhubala
Music Director : Roshan
Singers : Mohammad Rafi
Lyricist : Sahir Ludhianvi

Zindagi bhar nahi bhoolegi wo barsaat ki raat
ek anjaan haseena se mulakaat ki raat
zindagi bhar nahi bhoolegi

haaye wo reshmi zulfon se barasta paani
haaye wo reshmi zulfon se barasta paani
phool se gaalon pe rukne ko tarastaa paani
dil mein toofan uthaate hue
dil mein toofan uthaate hue jazbaat ki raat
zindagi bhar nahi bhoolegi

dar ke bijli se achanak wo lipatna uska
aur phir sharm se bal kha ke simatna uska
kabhi dekhi na suni aisi ho
kabhi dekhi na suni aisi tilismaat ki raat
zindagi bhar nahi bhoolegi

surkh aanchal ko daba kar jo nichoda usne
surkh aanchal ko daba kar jo nichoda usne
dil pe jalta hua ek teer sa chhoda usne
aag paani mein lagate hue
aag paani mein lagate hue haalaat ki raat
zindagi bhar nahi bhoolegi

mere naghmo mein jo basti hai wo tasveer thi wo
naujawaani ke haseen khwaab ki taabir thi wo
aasmano se utar aayi ho
aasmano se utar aayi thi jo raat ki raat
zindagi bhar nahi bhoolegi wo barsaat ki raat
zindagi bhar nahi bhoolegi